នគរបាលខេត្តកែប ចាប់បញ្ជូនជនសង្ស័យម្នាក់ទៅតុលាការ ពាក់ព័ន្ធករណីប៉ុនប៉ង ចាប់រំលោភសេពសន្ថវៈ
03-January-2020 | ដោយ ពលមនសិការ
កែប៖ ព្រឹកថ្ងៃទី០៣ ខែមករា ឆ្នាំ២០២០ បានបញ្ជូនជនសង្ស័យម្នាក់ឈ្មោះ ឈួន វ៉ន ភេទប្រុស អាយុ៣២ឆ្នាំ រស់នៅភូមិកែវក្រសាំង សង្កាត់/ក្រុងកែប ខេត្តកែប ទៅសាលាដំបូងខេត្តកំពត។
ការបញ្ជូនជនសង្ស័យទៅតុលាការដោយយោងតាមបណ្តឹងជនរងគ្រោះឈ្មោះ អ អ អាយុ៣៨ឆ្នាំ រស់នៅភូមិ-សង្កាត់ ជាមួយគ្នា ពាក់ព័ន្ធករណីប៉ុនប៉ងរំលោភសេពសន្ថវៈ កាលពីថ្ងៃទី២៩ ខែធ្នូ ឆ្នាំ២០១៩។
សមត្ថកិច្ចបានឲ្យដឹងថា អ្នកទាំងពីរបានដឹកគ្នាមកពីហូបការនៅភូមិកណ្តាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត មកដល់ចំណុចខាងលិចភ្នំពោន ភូមិភ្នំលាវ ឃុំពងទឹក ស្រុកដំណាក់ចង្អើរ វេលាម៉ោងប្រហែលជិត៩យប់ ជនសង្ស័យបានធ្វើសកម្មភាពប៉ុនប៉ងចាប់រំលោភ តែជនរងគ្រោះបានរត់រួចទៅដល់ផ្ទះ លុះដល់ថ្ងៃទី០២ ខែមករា ឆ្នាំ២០២០ ជនរងគ្រោះបានទៅប្តឹងនគរបាលប៉ុស្តិ៍រដ្ឋបាលសង្កាត់កែប ដោយហេតុការណ៍កើតនៅឃុំពងទឹក កម្លាំងនគរបាលប៉ុស្តិ៍ទាំង២ សហការជាមួយការិយាល័យព្រហ្មទណ្ឌកម្រិតធ្ងន់ បានកោះហៅជនសង្ស័យ និងជនរងគ្រោះមកសាកសួរបំភ្លឺ ដោយយោងតាមចម្លើយអ្នកទាំងពីរស៊ីសង្វាក់គ្នានិងហេតុការណ៍ខាងលើ។ ដោយជនសង្ស័យសារភាពថាខ្លួនពិតជាបានធ្វើសកម្មភាពប៉ុនប៉ងចាប់រំលោភសេពសន្ថវៈពិតប្រាកដមែនើ។
បច្ចុប្បន្នកម្លាំងនគរបាលបានឃាត់ខ្លួនជនសង្ស័យកសាងសំណុំរឿងបញ្ជូនទៅសាលាដំបូងខេត្តកំពតចាត់ការតាមនីតិវិធីច្បាប់៕
ចំនួនអ្នកទស្សនា
- ថ្ងៃនេះ11831
- ម្សិលមិញ15681
- សប្តាហ៍នេះ70671
- ខែនេះ92551
- ឆ្នាំនេះ92551
- សរុប20535007